Min váldobargun lea unnidit dálkkádatgássaluoittuid, hálddašit Norgga luonddu ja eastadit nuoskkideami.
Mii leat stáhtalaš hálddašanorgána mii lea Dálkkádat- ja birasdepartemeantta vuolde. Mis leat 700 bargi Troandima, Oslo, Suolveara ja Romssa kantuvrrain, ja Stáhta luonddubearráigeahču (SNO) báikkálaš kantuvrrain.
Birasdirektoráhta ásahuvvui suoidnemánu 1. beaivvi 2013 maŋŋel go Luondduhálddašandirektoráhta ja Dálkkádat- ja nuoskkidandirektoráhta (Klif) (ovddeš Stáhta nuoskkidangeahčču, SFT) ovttastahttojuvvojedje.
Stáhta luonddubearráigeahčču (SNO) lea oassi direktoráhtas ja das leat bargit badjel 60 báikkálaš kantuvrrain.
Hálddašit norgga luonddu ja eastadit nuoskkideami
Birasdirektoráhtas leat guovddáš barggut ja ovddasvástádus barggus hálddašit norgga luonddu ja eastadit nuoskkideami.
Min doaimmat leat gozihit birasdili ja gaskkustit dieđuid, leat mearrideaddji eiseváldi, stivret ja bagadit regiovnna ja gieldda dásis, ovttasbargat guoskevaš sektoreiseválddiiguin, leat fágalaš ráđđeaddin ja leat mielde riikkaidgaskasaš birasbarggus.
Min barggu ulbmil
Ráđđehus ja Stuorradiggi mearridit biraspolitihka ambišuvdnadási. Biraspolitihkka lea juohkásan iešguđet boađussurggiide main leat konkrehta nationála ulbmilat.
Birasdirektoráhtas leat dehálaš barggut mat galget veahkehit olahit ulbmiliid dáin surggiin:
- dássedis dálkkádat ja nannejuvvon heivehannávccat
- olu vuovddit
- hirpmus várreduovdagat
- šattolaš njeaššit
- mirkkohis biras
- aktiivvalaš olgunastin
- mávssolaš kulturduovdagat
- ealli mearra ja riddu
- ceavzilis jogat ja jávrrit
- doabbarat ja ođđasis ávkkástallan
- buhtes áibmu ja unnit riedja